Plantun de Prouvènço

Pèr coumpara dos planto d'encò nostre

Trifolium fragiferum & Morus alba

Trifolium fragiferum

Fabaceae Leguminosae

Noms en français : Trèfle fraisier, Trèfle porte-fraise.

Descripcioun :
Lou tréule-fraguié rebalo au sòu ounte fai de coulounìo bonodi si fiéu (estouloun). Es uno planto emé de fru coutounous, pamens èi di proun pelous ço que lou destrìo de Trifolium tomentosum e si flour soun pas renversado au contro dóu catoun, Trifolium resupinatum. Apoundèn que li bratèio soun soudado à la baso. Coumpara emé lou catoun o emé lou tréule-à-coutoun.

Usanço :
Aquéu tréule renadiéu pòu remplaça utilamen la tepo, qu'a gaire besoun d'aigo pèr crèisse e s'espandi.

Port : Erbo
Taio : 10 à 40 cm
Fueio : coumpausado
Tipe bioulougico : Emicriptoufite
Cicle bioulougico : Planto renadivo

Gènre : Trifolium
Famiho : Fabaceae
Famiho classico : Leguminosae

Ordre : Fabales

Coulour de la flour : Roso
Petalo : irreguliero
Ø (o loungour) enflourejado : 1 à 1,6 cm
Flourido : Printèms - Estiéu

Sòu : Ca
Autour basso e auto : 0 à 1200 m
Aparado : Noun
Abriéu à avoust

Liò : Pelouso fresco - Trepadou
Estànci : Termoumediterran à Mountagnard
Couroulougi : Paleoutemperado
Ref. sc. : Trifolium fragiferum L., 1753

Amourié-blanc

Morus alba

Moraceae

Àutri noum : Amourié, Amouhié, Amourié-rose.

Nom en français : Mûrier blanc.

Descripcioun :
L'amourié-blanc se rescontre encaro d'eici, d'eila, dins li colo e la campagno. S'èi naturalisa dins la valado dóu Rose. Se recounèis à si fueio óuvalo, en cor à la baso, e dentado. Se pòu vèire de varieta roso que ié dison amourié-rose (fotò).

Usanço :
Se saup que l'amourié, que nous vèn d'Asìo dóu couchant, fuguè proun cultiva pèr abali, emé si fueio, li magnan. Aquéli d'aqui manjon rèn qu'acò. Lou fru de l'amourié-blanc se manjo pas gaire au nostre, au contro de l'amourié-negre. Li fueio soun vertuouso pèr ajuda à digeri e dourmi, pèr lucha contro li fèbre e coume remaisso doulour.